Ukiuni kingullerni takornariartitsinermi ineriartorneq ukiuni kingullerni malunnaateqaqisumik annertusiartorsimavoq – aammalu Nuummi, Ilulissani Qaqortumilu nutaanik mittarfeqalerneratigut ineriartornerup tamatuma ingerlaqqinnissaa naatsorsuutigineqarpoq. Nutaanik periarfissaqarpoq suliniuteqartoqarlunilu. Takornariartitsinermut inatsimmi nutaami piumasaqaatit nutaat qassiit saqqummiunneqarput, Kalaallit Nunaanni piujuaannartitsinermik tunngaveqarluni takornariartitsinerup siuarsarneqarnissaanik siunertaqarfiusunik. Ilaatigut piumasarineqalerpoq takornariartitsinermut akuersissut pigineqartassasoq kiisalu isumannaallisaanermut pilersaarusiat, sillimmasiissutit, allalu suliarineqartassasut. Tamatuma saniatigut piginnittut najukkamiinnissaannik piumasaqaateqarnikkut ingerlatat najukkamit aallaaveqalernissaat piumasaqaasiarineqarpoq. Tassa takornartitsisut ingerlareersut nutaassallu piginnittuussutsip aaqqissugaanera pillugu kiisalu suliffeqarfiup ingerlataasa qanoq ilusilersorneqarlutillu aaqqissorneqarnissaat pillugit isumaliutersuuteqartariaqarput.
Inatsisilerituutta takornariartitsinermut inatsisip pileriartornera malinnaavigeqqissaarsimavaat taamaammallu paasisimasariaqartunik tunniussisinnaassuseqarlutik, tamatumuunakkut takornariartitsisut pilerlaat pisariaqartunik isumaliutigisariaqartunik qularnaarisinnaapput imaluunniit suliffeqarfiit pioreersut aaqqissugaanermikkut naleqqussaasinaallutik piumasaqaatinut nutaanut malinnissinnaanngorumallutik.
Nunatsinni pisut ilisimasaqarfigilluaratsigit iliuuserisassani tamani ikiorluarsinnaavatsigit – pilersaarusiornermit navianaatinillu nalilersuinermit naammassinninnermut aaqqiagiinngissutinillu aaqqiinermut, ikiuinissatsinnut piareersimavugut. Takorluukkat piviusunngortitigit ikioqatigiilluta.
Nuna Advokatfirma attavigiuk, nunap immikkoortuini ilisimasat nunarsuarmilu misilittakkavut.
Qullilerfik 2, 6. 3900 Nuuk
Philip Heymans Allé 7 2900 Hellerup
+299 32 13 70
email@nuna-law.gl
