Illumik pisineq inuuninni aningaasatigut aalajangiinivit annerit ilagissavaat. Illusiniarneq amerlasuutigut pisariusarpoq aammalu allakkianik inatsisitigut piumasaqaataasunik suliassartaqartaqaluni inunnut immikkut ilisimasaliunngitsunut paasissallugit paasiuminaasinnaasunik. Illuutilerinermut inatsisileritooq kukkussuteqarnermik akisunaakkamik pinngitsoortitsisinnaavoq, soorlu ajoqutinut ersinngitsunut, pisinermut isumaqatigiissummi piumasaqaatinut naleqqutinngitsunut tunngasutigut imaluunniit aalajangersakkanik illuutimullu pisinnaatitaaffinnut paasiuminaatsunut tunngasutigut ikiorsinnaavaatit. Taamaammat inatsisilerituumut saaffiginninneq piffissap ingerlanerani aningaasatigut ileqqaarutigisinnaavat.
Pisinermik isumaqatigiissut illuerniarnerni suniluunniit allakkiaavoq qitiusoq, pisisullu amerlasuutigut qarsupittarpaat. Inatsisilerituup isumaqatigiissut misissorluarsinnaavaa aalajangersakkanillu illersuutaasunik imaqarnersoq qularnaarsinnallugu, soorlu inatsisilerituup illersuutaa ajoqutinik annertuunik nassaartoqassagaluarpat ilinnut aningaasatigut kinguneqanngitsumik niuernermiit tunuartersinnaanissannik periarfissiisumik. Aamma, inatsisilerituup tuniniaasoq illuerniartartorluunniit isumaqatigiinniarfigisinnaavai illit soqutigisavit illersorneqarnissaat pillugu.
Illuutip inatsisinut tunngasortai, soorlu aalajangersakkat illersuutaasut, nalunaarutit aammalu akisussaaffiit, siunissami illit piginnittuuninnut assut sunniuteqarsinnaapput. Illuummik qanoq atuinissannut killilersuuteqarnersoq inatsisileritup qulaajarsinnaavaa imaluunnit illumut atasumik aningaasatigut pisussaffeqarnersoq, soorlu aningaaserivimmut akilersuutinik imaluunniit akiitsunik. Taakku illumik tigusereernermi nuanniitsumik paasisaqarnissamut pinngitsoorutissaapput.
Illuutilerinermut inatsisileritooq illuinnaasiorani illit soqutigisannik suliaqartussiaavoq – illuutinilli tuniniaasartoq amerlasuutigut tuniniaasumut sinniisuusarpoq. Inatsisilerisuumik ikiorteqaruit suliap ingerlanerani tamarmi toqqissisimasinnaavutit, pisinermik isumaqatigiissutip atsiorneraniit matuersaatit tunniunnerinut. Aalajangerniakkami taama annertutigisumi pingaaruteqartigisumilu qamuuna eqqissisimanissaq naliitsuuvoq.
Illuutilerinermut inatsisilerituumik oqaloqateqarnikkut illusinivit akimmisaarfeqanngitsumik pisarissersuutitaqanngitsumik ingerlanissaa qularnaarsinnaavat.
Nunatsinni pisut ilisimasaqarfigilluaratsigit iliuuserisassani tamani ikiorluarsinnaavatsigit – pilersaarusiornermit navianaatinillu nalilersuinermit naammassinninnermut aaqqiagiinngissutinillu aaqqiinermut, ikiuinissatsinnut piareersimavugut. Takorluukkat piviusunngortitigit ikioqatigiilluta.
Nuna Advokatfirma attavigiuk, nunap immikkoortuini ilisimasat nunarsuarmilu misilittakkavut.
Qullilerfik 2, 6. 3900 Nuuk
Philip Heymans Allé 7 2900 Hellerup
+299 32 13 70
email@nuna-law.gl
